Osasun-identifikatzailea ziurtagiri arrunta da, baina legez ez du onartutako ziurtagiriaren izaerarik.
Euskadiko Osasun Sisteman aseguratutako pertsonak identifikatzen dituen ziurtagiria da, osasun-zerbitzu publikoetarako sarbidea izan dezaten. Ziurtagiri honen kasuan harpideduna Eusko Jaurlaritzako Osasun Saila izango da eta gakoen edukitzaileak Euskadiko Osasun Sistemako aseguratuak.
Txartel kriptografikoan ematen da.
Eskatzeko prozedura
Gaur egun, euskal osasun-agintariek sustatutako proiektuekin lotzen diren pertsonei soilik ematen zaizkie Euskadiko Osasun Sistemarentzako Ziurtagiriak.
Ziurtagiriak jaulkitzean, Ziurtagiriak eskatzeko prozedurari (pdf, 29 Kb) jarraituko zaio. Era berean, Eskaera-formularioa (pdf, 17 Kb) deskarga daiteke, inprimatu eta betetzeko.
Nolanahi ere, norberaren proiektuari dagokion Izenpeko Erregistrogunean aurkeztu beharko da eskaera.
