|
AZZ (Administrazioko Ziurtapen Zerbitzua) eta Korporatiboa
Deskribapena
Izenpe, S.A.k eskaintzen duen Administrazioko Ziurtapen Digitalaren Zerbitzuaren bidez (aurrerantzean, AZZ), zerbitzuaren erabiltzaile diren eta administrazio-agintea duten entitate publikoek ziurtagiri digitalak lortzen dituzte. Entitate publikoak, ziurtagirien harpidedun gisa jarduteaz gain, ziurtagirien titularrak identifikatzeko zereginak betetzen ditu, eta Erregistro Entitatearen izaera bere gain hartzen du, ziurtagiriak jaulki, berritu eta ezeztatzeko eskaerak baliozkotu eta onesten dituen aldetik. Entitate publikoen zerbitzura dauden langileen ziurtagiriak esparru horretan inskribatzen dira, eta, hala badagokio, baita zerbitzari seguruko ziurtagiriak, dispositibo informatikoak (zerbitzari segurua eta aplikazioa) eta kode-sinadurak ere.
Izenpe, S.A.k eskaintzen duen Ziurtapen Digital Korporatiboen Zerbitzuak Entitate Publikoen barne-sareen eremuan bakarrik erabil daitezkeen ziurtagiriak jaulkitzen ditu. Zerbitzu horren barruan Ziurtagiri Korporatiboak sartzen dira; ziurtagiri horiek Entitate Publikoetako langileei bakarrik eskaintzen zaizkie.
Zerbitzuaren osagaiak
Abiaraztea
Administrazio erabiltzaileari zerbitzuan alta ematea. Hemen ez dira sartzen administrazio erabiltzailearen eta EuskalSarearen arteko komunikazio-lineen gastuak
Mantentze-lana
Administrazio erabiltzaileari urteko Mantentze-lan Globalaren Zerbitzua ematea
Ziurtagiria
Ziurtagiriaren kostua hiru urtetan indar-galtzen duen arte edo ezeztatzen den arte.
Txartelak
Plastikozko euskarriaren kostua.
Softwareen lizentziak
IZoft-en softwarea erabiltzeko eskubidea:
- Bezero-postua
- Toolkit Java
- Toolkit Microsoft
- Telefono-operazioetarako softwarea
Zerbitzuko kontzeptuak
Abiaraztea
Urteko mantentze-lana
Ziurtagiriak
- Entitate publikoetako langilea
- Korporatiboa
- Zifratua
- SSL zerbitzaria
- Aplikazioa
- Kode-sinadura
Entitate publikoetako funtzionario-/langile-txartela
IZoft lizentzia
Oharrak
Administrazio batek zerbitzu bat baino gehiago kontratatzen baditu (AZZ, NZZ, OZZ edo Zerbitzu Korporatiboa), hasierako abiaraztea eta urteko mantentze-lanak kontzeptuak zerbitzu bakarrean fakturatuko dira.Txartelak aukerakoak dira. Ziurtagiriak administrazio erabiltzailearen txarteletan kokatuz gero, txartelen kostua eta horien egokitzapenekoa administrazio erabiltzaileak ordainduko ditu.
| 
