Egoitza Elektronikoko eta Balidazio Zabaldua duen Egoitza Elektronikoko Ziurtagiriak

Zerbitzu Publikoetarako Hiritarren Sarrera Elektronikoari buruzko ekainaren 22ko 11/2007 Legeari jarraituz, Administrazioei eta administrazio-entitateei edo -organoei dagokie egoitza elektronikoa ezartzea. Horrela, herritarrak webgune ofizialetara segurtasunez konektatzeko helbide elektronikoa finkatuko da, webgune bat kautotu ahal izango da, erregistro elektronikoak jasoko dira, ordezkaritza-erregistroak kontsultatu eta baimenduko dira, eta abar.

Hori dela eta, IZENPEk jaulkitzen duen ziurtagiria legez onartutako ziurtagiria da, 2048 bit-eko gakoak dituena, eta bertan egoitzaren titularra den Administrazio Publikoa edo administrazio-entitatea edo -organoa identifikatzen da. Ziurtagiri horiek bi urtez dira baliozkoak.

Egoitza elektronikoko ziurtagiriak, bestalde, balidazio zabaldua (EV) duten ziurtagiriak izan daitezke. Ziurtagiri horiek babes-maila handiagoa eskaintzen diote erabiltzaileari, baita nabigatzaileetan barra berdea eskuratzeko aukera ere.

IZENPE da ziurtagiri berri hori eskaintzen duen ziurtapen-zerbitzuegile bakarra. Egoitzaren titular den pertsona fisikoa izango da sinatzailea.

  EV dutenSSL ziurtagiriei buruz gehiago jakiteko »

»  IZENPEren egoitza elektronikoko eta EV duen egoitzako ziurtagirien  eskaeraren formularioa

     * Formulario hori betetzen lagunduko dizuten iruzkinak ditu formularioak.

« Ziurtagiri digitalen motetara itzuli