Jardun-arlo honen eginkizuna zera da: administrazioaren eraldaketa-prozesua sustatzea eta koordinatzea, antolaketa-egitura egokituz, prozesuak optimizatuz, zerbitzuen kalitatea hobetuz, eta Administrazio elektronikoa garatuz, herritarren beharrizanak eraginkor betetzen dituen Administrazioa lortzeko.
Arlo honen egitekoak, beren izaeraren arauera, honako bi taldetan bana daitezke:
Modernizazio eta Administrazio elektronikoaren proiektuak honako esparruetan burutzen dira: antolakuntza, giza-baliabideak, zerbitzuaren kalitatea, herritarrei arreta, eta informazio eta komunikazio-teknologien erabilera. Proiektu hauen helburuak zerbitzuen kalitatea hobetzea eta herritarren beharrizanak eraginkor betetzea dira.
Administrazio elektronikoaren eta herritarrei arreta emateko zerbitzuak hauek dira: interneteko eduki eta atarien kudeaketa, izapidetze telematikoaren zerbitzu komunen kudeaketa (erregistroa, jakinarazpen telematikoa, ziurtagiriak, datuen transmisioa, etabar) eta herritarrei kanal anitzeko arreta ematea (jendeaurrekoa, telefonikoa eta telematikoa).
Eginkizun hauek burutzeko, Jaurlaritzaren Lehendakariordetzan Administrazioa Eraberritzeko eta Administrazio Elektronikorako Idazkaritza Nagusia sortu da, bere menpe honako Zuzendaritza hauek direla, Administrazioa Eraberritzeko Bulegoaren Zuzendaritza eta Administrazio Elektronikorako eta Herritarrei Arreta emateko Zuzendaritza.
|
