IZENPEren egoitza elektronikoko ziurtagiria eta balidazio zabaldua duen egoitza elektronikoko ziurtagiria

Zerbitzu Publikoetarako Hiritarren Sarrera Elektronikoari buruzko ekainaren 22ko 11/2007 Legeari jarraituz, Administrazioei eta administrazio-entitateei edo -organoei dagokie egoitza elektronikoa ezartzea. Horrela, herritarrak webgune ofizialetara segurtasunez konektatzeko helbide elektronikoa finkatuko da, webgune bat kautotu ahal izango da, erregistro elektronikoak jasoko dira, ordezkaritza-erregistroak kontsultatu eta baimenduko dira, eta abar.

Hori dela eta, IZENPEk jaulkitzen duen ziurtagiria legez onartutako ziurtagiria da, 2048 bit-eko gakoak dituena, eta bertan egoitzaren titularra den Administrazio Publikoa edo administrazio-entitatea edo -organoa identifikatzen da.

Egoitza elektronikoko ziurtagiriak, bestalde, balidazio zabaldua duten ziurtagiriak izan daitezke. Ziurtagiri horiek babes-maila handiagoa eskaintzen diote erabiltzaileari, baita nabigatzaileetan barra berdea eskuratzeko aukera ere.

Ziurtagiri berritzaile hori Internet Explorer-ek eta Operak onartzen dute jada, eta IZENPE da ziurtagiri berri hori eskaintzen duen ziurtapen-zerbitzuegile bakarra.

Ziurtagiri hori eskatu nahi izanez gero, beharrezko dokumentazioa bete beharko da. Horretarako, ziurtagiri horren berariazko dokumentazioan finkatutako urratsak egin beharko dira. Edozein zalantza argitzeko edo kontsulta egiteko, 902 542 542 telefonora dei diezagukezu.

« Ziurtagiri digital motetara itzultzea